حوار بين اسمعلاوي وزملكاوي

--------------------------------------------------------------------------------

اسمعلاوي : بيقولك الاهلي فازببطولة افريقيا للالعاب القوى !!!
زملكاوي : قوى ايه يخربيتك دي بطولة افريقيا للاندية ابطال الدوري
اسمعلاوي : ياراجل تصدق اول مرة اعرف ان اسمها كده
زملكاوي : ما هو طبعا وهو انت هتسمع عنها فين دى
اسمعلاوي : ليه هي بطولة سرية
زملكاوي : اسكت ياعم مش نقصاك خالص هتلاقي بتوع الاهلي جايين يتنفخوا علينا دلوقتي
اسمعلاوي : يتنفخوا ليه هما عملوا ايه
زملكاوي : ايه يابني الغباء ده مش قلنا فاز بأم بطولة افريقيا
اسمعلاوي : ياراجل هو الكلام صحيح طيب وايه الحل ؟؟؟
زملكاوي : مش عارف بس كده هيطلعوا كل اللي عملناه فيهم من شماته بعد الماتش الاول
اسمعلاوي : ليه هو احنا عملنا فيهم ايه
زملكاوي مش احنا يابني ادم انت رفعنا اعلام الفرقه التانيه فى الملعب
اسمعلاوي : اااااااااااااااااااااااااااااااااه
زملكاوي : اه ايه بس ولا انت فاهم حاجة الله يخرب بيتك
اسمعلاوي : اتاري وزعوه علينا في المدرجات وانا شيلته وكنت فاكرهم غيروا الوان الاسماعيلي
زملكاوي : المهم دلوقتي نتعامل معاهم ازاي زمانهم جايين فرحانين وهيذلونا
اسمعلاوي : ياعم هما واخدين علينا كده ان احنا بنكرهم ومش بنطيقهم عامل موال ليه
زملكاوي : لا بس المرة دي سوقنا فيها كنا فاكرين التونسه الله يحرقهم هينصفونا
وكانت الشماته عيني عينك وحتى جماهير المصري دخلناهم معانا وعملنا هيصه
اسمعلاوي : اقولك خلي مرتضي يرفع عليهم قضيه فتنه طائفيه ههههههههه
زملكاوي : بتنكت ده اسود يوم في حياتي
اسمعلاوي : ليه يعني ما ده مش جديد عليهم ما طول عمرهم بيكسبوا واحنا بنخسر
زملكاوي : بس المرة دي هيروحوا اليابان لتالت مرة
اسمعلاوي : ليه رايحين يصيفوا ؟؟؟
زملكاوي : ده انت الغباء نفسه دول رايحين بطوله العالم هناك ياتحفه
اسمعلاوي : ده اتاري الواحد مايعرفش حاجه ياجدعان هي فيها يابان كمان
الحل الوحيد اننا نضربهم ونكسرهم ونغلوش على افراحهم
زملكاوي : تضرب مين يابني ده البلد كلها اهلاوية
اسمعلاوي : طب وايه الحل ممكن نستخبى اليومين دول؟
زملكاوي : لا مفيش غير حل واحد
اسمعلاوي : ايه هو ؟
زملكاوي : نستخدم طريقه اليهود
اسمعلاوي : ايه هنحتل النادي الاهلي
زملكاوي : لا ياخفيف هنتعامل معاهم بدهاء اليهود هنحسسهم اننا فرحانين وكأننا فرحانين لفرحهم ولازم ندي انطباع ان ده انتصار لمصر مش للاهلي ونعيش الدور ده لغايه اول وقعه في اليابان او في الدوري نرجع نذلهم ونرجع لاصلنا وبكده نبان وطنيين وبنحب بعض ويتقال علينا احلى كلام ولما الموجه تهدى نرجع لاصلنا
اسمعلاوي : يابن الايه ده انت ولا شارون الله يحرقك ويحرقه





ده حوار سوف يتم فى المستقبل بعد فوز النادى الاهلى ببطوله افريقيا لتالت مرة على التوالى بأذن الله ويايرت بقى التعابين تخش جحورها عشان بجد بقى مفيش فرقه مصريه تنافس الاهلى خااااااااااااااااااااااالص

وبنفكر نروح نلعب فى الدورى اللانجليزى عشان نلاقى حد ينافسنا

ها ميرسي موت موت موت موت قوي much